Konco Tani

Konco Tani             CSGK

Bowo Dhandhanggulo Konco Tani

Ilir ilir tandure sumilir
Konco tani kang padha makarya
Sinawung lejaring nggalih
Parine lemu lemu
Katon subur anyenengke ati
Kalis ing sambikala
Iku panyuwunku
Wiwit sih ing Gusti kawula
Kanca tani yekti saka guru nagri
Yo betenging bangsa

E e eba senenge
Kanca tani yen nyawang tandurane
Nyambut gawe awak sayah seneng atine

Parine lemu lemu
Palawija kumandang sak warnane
Katon subur kabeh tuwuh kang sarwa tinandur

Panyuwunku, tinebihna saking sambikala
Ywang Gusti mugi-mugi lestari widodo

Sayuk rukun rame-rame
Gotong royong kang dadi semboyane
Kanca tani yekti saka guru tumrap sanagari

Mas Joko

Mas Joko

Nuwun sewu mas kula badhe ndherek pirsa
Napa leres niki daleme mas Joko
Piantune alit kumis tipis lencir kuning
Bilih mlampah kados raden mas Janoko

Ora kleru dhik ning sliramu kuwi sapa
Sajake aku wis nate pirsa

Jane lali mas apa ya mung reka-reka
Nembe wingi njenengan le obral janji

Ojo dadi ati dhik aku pancen lali dhik
Wong sliramu klaton seje
Wingi katon lemu ning saiki katon ayu

Apa bener mas kabeh ngendikamu

Ojo dadi ati dhik aku pancen lali dhik
Wong sliramu klaton seje
Wingi katon lemu ning saiki katon ayu

Apa bener mas kabeh ngendikamu

Kunci Sak Gemboke

Kunci Sak Gemboke Manthous,     CSGK

Tuku kunci sak gemboke,
Iku pancen wis dadi jodone
Wis kebancut kaya ngene,
Ora susah gawe-gawe
Elingo marang janjine

Tuku kunci sak gemboke,
Yen ra mathuk yo di-ijol-ake
Milih sing apik modhele,
Tak pilih sing ayu dhewe
Iku wis jamak lumrahe

Soto babat kok campur susur,
Saya suwe kok saya nglantur
Adhuh mas kok tambah ngawur

Ojo kleru pandugamu,
Dururng-durung kok wis nesu
Adhuh dhik jangan cemburu

Jenang sungsum kok campur sabun
Jangan bikin hatiku bingung
Adhuh mas niku kepripun

Tuku timun dinggo rujakan,
Wong guyon dadi tenanan
Sliramu aja sujanan

Tuku kunci sak gemboke
Yen wis rusak didandani wae
Yen pancen ngono karepe,
Ketimbang gela atine
Becik mbangun keluargane

Methuk

Methuk         CSGK

Janjine saguh methuk
Tiwas diadhang nganti ngantuk-ngantuk
Dene leh dandan mengkuk
Thingak-thinguk jebul ra dipethuk

Omongane nggedupuk
Tiwas digagas jebul ora gathuk
Alasane sak thekruk
Monthak manthuk samara yen diamuk

Esuk methuk alah sore methuk
E bola bali methuk, e jebul ra’ tau entuk
Pring ori dingo sulingan
apa lali apa ra kelingan, apa lali apa ra kelingan

Esuk dhele alah sore tempe
e aja sok leda-lede, e ojo sok leda lede
jas bukak ikete blangkon
sama juga alah sami mawon, sama juga’ alah sami mawon

Ting anting gula jawa
gulane aren apa gula klapa
ling eling mbok rumangsa
aja nganti agawe kuciwa

Ngidhamsari

Ngidhamsari Manthous

Upama sliramu sekar melati
Aku kumbang ngidhamsari
Upama sliramu margi wong manis
Aku kang bakal ngliwati

Sineksen lintange luku semana
Janji prasetyaning ati
Tansah kumanthil neng netra rinasa
Kerasa-rasaning ndriya

Midera sajagad raya
Kalingana wukir lan samodra
Ora ilang memanise adhuh
Dadi ati selawase

Nalika nira ing ndalu atiku
Lam-lamen sira wong ayu
Nganti mati ora bakal lali
Lha kae lintange mlaku

Ngimpi

Ngimpi                Manthous

Ngambara ing awang-awang
Angelangut bebasan tanpa trebis
Narabasing mega mendhung
Miber ngideri jagad
Ngulandara nglembara ngunggahi gunung
Ketungkul ngumbar gagasan
Satemah ginawa ngimpi

Sripat sripit
lembehane mrak kesimping
Gandhes luwes wiragane anglamlami..
Sedhet singset
besus angadi busana
Dhasar ayu maksih kenya tan kuciwa

Dak caketi
adhuh mesem sepet madu
Nora sronto tak gandheng malah gumuyu
Katon bungah
kenya kang pindha hapsari..
Kuciwane kabeh mau.. amung ngimpi….

Nusul

Nusul

Lha kae nusul
Teka-teka ulate njegadul
Mripate mbrebes mili
Anehe nyedhaki njiwiti

Tekad-te nusul
Watone bisa bali kumpul
Galake dimareni
Rewele ora dipindhoni

Godha neng ndalan
Eman-eman yen mulih dhewe
Bisa kelangan
Katut setan sing nggagu gawe

Lumrahe kaul
Jarene dumeh wis disusul
Solahe ngrangkul-ngrangkul
Padune sumelang disusul

Gunungkidul Handayani

Gunungkidul Handayani       CSGK

Sinawang pancen asri
Gunungkidul nyatane wektu saiki
Pembangunan warata kang migunani
Bisa gawe kepranan kang amirsani

Sayuk saeka kapti
Gotong royong rakyate tan nguciwani
Tansah setya dhawuhe para pangarsi
Mahanani Gunungkidul Handayani

Manunggaling kawula kalawan gusti
Migunani tumrap pembangunan iki
Mangga-mangga sedaya tumut ndarbeni
Mrih lestari Gunungkidul Handayani

Bisa dadi tuladha
Ngambar arum gandane amilangoni
Tansah eling mring Gusti kang maha suci
Adil makmur warata mring kita sami